رانی مکھرجی بالی ووڈ میں دوبارہ انٹری کیلیے تیار، معذور لڑکی کا کردار نبھائیں گی

ممبئی: بالی ووڈ کی مایہ نازاداکارہ رانی مکھرجی بہترین اداکارہ کے طورپرجانی جاتی ہیں لیکن ان کی کچھ فلموں نے خوب پزیرائی دی جس میں شامل ان کی ایک فلم بلیک بھی ہے جہاں انہوں نے خصوصی کردار کی اداکاری کو بہترین انداز میں نبھایا تھا تاہم اب نئی آنے والی فلم میں بھی وہ خصوصی کردار ادا کریں گی۔

بھارتی میڈیا رپورٹس کے مطابق بالی ووڈ اداکارہ رانی مکھرجی نے آخری بارفلم “مردانی” میں کام کیا تھا تاہم پھرشادی اوربیٹی کی پیدائش کے بعد وہ بڑی اسکرین سے بالکل ہی غائب ہوگئیں تھیں اوراب اداکارہ ایک بارپھرفلم نگری میں واپس آرہی ہیں جہاں وہ اپنی معروف فلم “بلیک” کی طرح نئی فلم میں خصوصی کردارادا کرتی نظرآئیں گی۔

اس خبر کو بھی پڑھیں: رانی مکھرجی کی بیٹی کے ساتھ پہلی تصویروائرل ہوگئی

اس سے قبل یہ فلم عمران ہاشمی کو بنانا تھی تاہم ان کی مصروفیت کے باعث فلم سازی کا عمل شروع نہ ہوسکا، جس پر کہانی کے بعد خالق اورہدایت کارسدھارتھ نے فلم کواسکرپٹ لے کرپروڈیوسر ادیتیا چوپڑا سے ملاقات کی اور انہیں اس کی کہانی سنائی جو کہ ادیتیا چوپڑا کو بہت پسند آئی لیکن اس وقت تک فلم میں خصوصی کردارایک لڑکے کو کرنا تھا جس کے لیے اداکارابھیشیک بچن کو بھی آفرکی گئی تھی جنہوں نے کوئی خاطرخواہ جواب نہ دیا۔

ادیتیا چوپڑا نے ہدایتکارسے خواہش ظاہرکی کہ لڑکے کے کردارکو لڑکی کے کردارمیں تبدیل کیا جائے، ہدایت کار نے خواہش کو پورا کیا اور اب رانی مکھرجی اس اہم کردار کو نبھائیں گی۔

The post رانی مکھرجی بالی ووڈ میں دوبارہ انٹری کیلیے تیار، معذور لڑکی کا کردار نبھائیں گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.

اپنا تبصرہ بھیجیں